تكنولوجيا

إيه علاقة الـ SEO بالـ Hacking؟

إيه علاقة الـ SEO بالـ Hacking؟

قبل أي عملية هاكنج فيه أكتر من مرحلة بيقوم بيها الـ Hacker عشان يقدر يوصل للضحية Victim ويخترقه، وأهم مرحلة على الإطلاق واللي من غيرها يصعب بشكل كبير إنك تحقق حاجه هيا الـ information Gathering أو مرحلة جمع المعلومات وهنا بتجمع أكبر قدر ممكن من المعلومات واللي ممكن تتضمن:

– اسم الضحية، السن، وسائل التواصل بتاعته إيه الخ
– اسم الموقع، نوع الاستضافة، نوع الـ CMS ولغة البرمجة، الخ
– الـ Network اللي بيشتغل بيها والـ Service Providers ونوع الـ Switch أو الـ Router

بُص إنت بتجمع معلومات عن كُل حاجه وأي حاجه ممكن تساعدك في عملية الاختراق، ومن ضمن الأدوات اللي بتستخدمها في عملية البحث وجمع المعلومات أو الـ Footprinting هو محرك البحث Google، إنت هنا هتستخدم جوجل في جمع أي معلومة ممكن تفيدك في الـ Hacking.

طيب بالنسبة بقى للـ SEOs هيستفيدوا إزاي من الموضوع ده، إنت هنا هتاخد نفس فكرة جمع المعلومات باستخدام محرك البحث جوجل في عمل Competitors Analysis يعني هتعمل دراسة لمواقع المنافسين باستخدام بعض تراكات الـ Hacking عشان تقدر تحصل على Advanced Information عن المنافسين بتوعك، طيب نبدأ ده إزاي؟ هقولك.

هكتب في محرك البحث جوجل Search Bar بعض الكلمات بطريقة معينة عشان تكتشف المعلومات الخفية أو حتى لو بتدور على حاجه بعينها، زي م هوا مكتوب كده، وياريت تجرب بنفسك:
– Site:www.yoursitename.com
– Cache:yoursitename.com

أو حتى تستخدم كلمات زي Link – Define – Related واللي هتخليك تتعرف على معلومات كتيرة عن موقع المنافس بتاعك، وحتى في دراسة الكلمات المفتاحية ولو عايز تعرف إذا كان المنافس بيستخدم كلمات مفتاحية معينة وبيتسخدمها قد إيه الخ، فيه طريقة برضو هتساعدك بشكل كبير:

– Site: www.yoursitename.com intitle:yourkeyword
– Site: www.yoursitename.com intext:yourkeyword
– Site: www.yoursitename.com inurl:yourkeyword

هنا إنت بتشوف كم مرة الكلمة المفتاحية دي تم استخدامها أو ذكرها سواء في العنوان أو الـ URL أو حتى في التيكست العادي، والنتايج بتظهرلك بالشكل ده.

إنت تقدر بنفسك تجرب كُل المفردات دي وهتشوف كل المعلومات اللي هتقدر تحصل عليها بشكل مكنش ممكن تحصل عليها بطريقة البحث العادية، وهتلاقي في الصور بعض الـ Commands اللي مش كاتبها هنا واللي ممكن تشوفها وتشوف النتايج هتقولك إيه.

تاني حاجه تقدر تستفيد بيها من Google وإزاي تـ Hack المنافس بتاعك وتعرف عنه أكبر قدر ممكن من المعلومات وعن الـ Industry أو البيزنس بتاعك هوا استخدام Google Advanced Search وده عبارة عن محرك بحث متطور و Custom خاص بيك إنت بتقدر تتحكم فيه وفي نتايجه بشكل كبير، بحيث إنك تقدر تحدد الكلمات المفتاحية، الدومين، المنطقة، اللغة الخ، إنت هنا هتقدر تعمل Filtration للنتايج كلها وتعرف بس اللي هيفيدك في البيزنس بتاعك.

تقدر تجرب Google Advanced Search وتكتشفه بنفسك وتتكلم عن تجربتك.
هتكلم في بوست كمان عن كُل الـ Tools اللي ممكن تساعدك في اختراق المنافس بتاعك بس بشكل Ethical من غير م تسبب أي ضرر للـ Website بتاعه، فقط باستخدام أدوات شرعية أو شوية تراكات تجيبلك كرش المنافس

إزاي تستخدم أدوات الـ Hacking في اختراق المُنافسين؟

عملية Filtration للـ Tools اللي هنتكلم عنها إنهارده بحيث نستبعد أي Tool بتتطلب استخدام Commands أو أكواد برمجية أو استخدام نظام Linux لإن زي م احنا عارفين استخدامنا هيكون في حدود جمع بعض المعلومات اللي هتفيدنا عن المنافسين بتوعنا، ومش هدفنا اختراقهم بشكل أساسي أو الإضرار بمواقعهم، الـ Data والاستفادة منها أول طريق حقيقي للنجاح خصوصًا بقى في الـ SEO.

– Who is Hosting – Who is

موقع زي whois.com أو Extension اسمها who is hosting تقدر تضيفها على Google Chrome هتساعدك في معرفة معلومات كتيرة جدًا عن موقع المنافس، معلومات زي الـ Web Hosting Providers أو الـ CDN أو الـ IP واللوكيشن، هتقدر تعرف من خلال whois.com كمان معلومات عن الـ Domain زي تاريخ الـ Registration و Expiration حتى اسم ورقم تليفون وإيميل وعنوان الـ Registrant والـ Administrative، بص إنت هتقدر تكتشف وتستغل معلومات كتيرة جدًا في صالحك سواء لتطوير نفسك أو لمعرفة نقاط قوة وضعف المنافس بتاعك بالظبط، جرب الأداة دي بنفسك وشوف.

– Built With

ودي أداة مهمة جدًا بتستخدم لمعرفة الأمور الـ Technical في السايت وبيستخدمها الـ Developers بشكل كبير، هتقدر تستخدم الـ Extension دي من خلال Google Chrome حاول تبحث عنها وتجربها، من خلال الـ Tool دي هتقدر تعرف لغة البرمجة اللي اتبنى بيها السايت، ولو CMS زي WordPress هتقدر تكتشف ده بسهولة جدًا، هتعرف إيه هيا الـ Meta Tags المستخدمة، وكل الـ Plugins اللي موجودة بالسايت، الأكواد اللي بتعمل Tracking، الـ Paid Widget، لو بيستخدم Java Script في حجات معينة، بُص باختصار، كل حاجه تخص البرمجة أو الاكواد الـ Tool دي هتساعدك تكتشفها وتتعرف عليها.

دول كانوا أداتين بس اتكلمت عنهم إنهارده، حاول تجربهم بنفسك وتشوف إزاي ممكن تستفيد بمعلومات زي دي سواء إنك تتعرف على أدوات أو بلاجنز أو أفكار تستخدمها عندك أو تتلاشي بعض المشاكل أو الأخطاء اللي عند المنافس، هنكمل في بوستات جايه ومستمرين لسه في مرحلة جمع المعلومات أو Footprinting واللي أتمنى إنكم تستفيدوا بيها بشكل كبير.

بواسطة
Mohamed Kamal
الوسوم
اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى