تكنولوجيا

كيف تشتري من أمازون ؟

كيف تشتري من أمازون ؟

اكتر 3 حاجات الناس بتسئل عليهم وعايزه تشتريهم من بره وده لاختلاف السعر بره عن هنا امازون حالياً عنده ميزه في الشحن لمصر وهي انه بيحسب لك الجمارك والضرائب والشحن قبل ما تشتري وبيضمنلك انك مش هتدفع جنيه واحد زياده وانت بتستلم ولو حصلت أي مشكلة الحاجة بترجع لامازون اتوماتيك والفلوس هترجعلك تاني فالعمليه مضمونه وده علي السلع الي (Fulfilled by Amazon) او (sold by Amazon)

اللابتوبات والموبايلات والايباد في امازون بيبقي موجود في اكتر من حاله

جديد NEW ودة بيبقي جديد تماما و متبرشم أو Manufacturer Refurbished
ودة بيبقى مثلا لاب توب او تيليفون كان في عيب ما رجع المصنع تم تغير العيب او اصلاحه وتم عمل تيست عليه زي اللي بتحصل على الجديد بظبط وشغال 100% وبيبقي سعر ارخص من الجديد بفرق كويس و Renewed
ودي بتبقي اجهزة مستعملة تم تجديدها من قبل موردين معتمدين من امازون وتم عمل عليها كل الاختبارات وتغيير بعض القطع لو مش شغاله امازون بيضمنه لمدة 90 يوم فقط استبدال وترجيع طوال ال 90 يوم

بالنسبة الجمارك لا يوجد جمارك على الموبايلات واللاب توب او التابلت عليهم فقط 14% ضريبة القيمة المضافة لما بتختار عنوانك في مصر علي امازون بيحسب لك التكلفه و بتبقي مكتوبة بالشكل الاتي :

سعر المنتج Price و تكلفة الشحن AmazonGlobal Shipping
وديعة الجمارك Estimated Import Fees Deposit
ودي رسوم امازون بيحصلها مسبقاً وشركه الشحن بتسددها للجمارك اذا طلعت الجمارك اقل من اللي دفعته الى امازون الفرق بيرجع لك في خلال 60 يوم من تسليم الشحنة واذا كانت اكتر مش بتدفع اي حاجه وده النص من سياسة امازون للشحن
(You won’t be charged additional fees if the actual Import Fees exceed the Import Fees Deposit we estimated)

الخطوات:

الخطوات بسيطة هتكون محتاج فيزا سواد دبيت او كريدت يكون فيها مبلغ يغطي التكلفة و انت بتعمل الطلب امازون هيجبلك العمله بالجنيه اختار انك تدفع بالدولار حتى لو حسابك في البنك بالجنيه البنك بياخد 3% بس على التحويل يعني سعر الدولار هيكون حوالي 16.64 جنيه في حين او امازون بيحسب الدولار ب 17 جنيه لو اخترت انه يسحب بالجنيه

التأكد من عنوان الشحن ورقم التليفون اهم حاجه وانصحكم تختارو اوبشن الشحن السريع الـ Priority Shipping في الحاجات الي ممكن تحتاج موافقة الشركات اللي بتتعامل معها امازون في الشحن السريع بتعدي الحاجة من الجمرك وبيضربو فلوس الجمارك بتاعت امازون في جيبهم عن تجربه UPS عدت لي من شهرين Gigabyte AERO لابتوب كان ب 40 الف جنيه بدون موافقه ولا حتي وصل مصاريف او ايصال جمارك جه من امريكا الي لحد باب البيت في 3 ايام بظبط

كل الكلام ده ينطبق علي الشحن الي اي دوله من امازون نفس الموضوع بضبط بخلاف قيمة الشحن والجمرك بتختلف علي حسب البلد ممكن تبعت نفس اللاب على السعودية على الإمارات هي هي نفس الخطوات والطريقه

بالنسبة المواقع الاخري زي B&H والحاجات اللي مش بتتشحن بشكل مباشر انا بستخدم شركة Fishisfast بتديك عنوان مجانا في ولاية مفيهاش ضرايب كل اللي بتعمله انك بتشحن اللاب والموبايل على العنوان اللي بيبقي عندك في الاكونت الحاجة بتوصلهم بتتخزن وتتصور ويضيفوها لحسابك وتقدر تجمع اكتر من حاجه في كرتونه واحده وتبعتهم علي اي دوله
تقدر تشترك فيها من هنا مجاناً http://j.mp/FishisFastx

يوم البلاك فرايدي بيبقي في عروض كثيرة بتظهر للمشتركين في امازون برايم بس تقدروا تشتركوا 30 يوم مجانا في امازون برايم 30 يوم
من هنا bit.ly/Free30AmazonPrime
والي اشترك قبل كده وعايز يشترك تانى يعمل اكونت جديد في امازون ممكن بنفس الميل لو Gmail بس حطو نقطه مبين أي حرفين  مثلا ahmed@gmail يبقىي a.hmed@gmail وهتوصل الميلات علي نفس الميل عادي ودي بتنفع مع اي موقع عادي طالما الميل جميل
لستا اللابتوب والتابلت من هنا bit.ly/AmazonLaptopEGYPT
حالياً سعر الايباد 10.2 موديل 2019 بـ 299 دولار بس ارخص من سعر ابل وكل الايبادات سعرها على امازون حالياً ارخص من أبل
من هنا bit.ly/AmazonIPad
واسعار الـ MacBook Pro اخر اصدار برضه ارخص من أبل
من هنا bit.ly/MacBookProAmazon
ـ
لستا اللابتوب من هنا bit.ly/AmazonLaptopEGYPT
هتلاقي مكتوب Ships to Egypt ادخل علي المنتج وهتلاقي اجمالي التكلفه لحد باب البيت

بواسطة
Amr Emad
الوسوم
اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى