تكنولوجيا

يعني ايه Growth Marketing؟

يعني ايه Growth Marketing؟

Growth marketing is all about one thing: attracting more engaged customers.

يعني انك بتعمل شوية حاجات عشان تجيب الناس اللي ممكن تتفاعل مع الحاجه اللي انت بتقدمها.

اللي هو يعني انت كـ Marketer دورك انك تعرف الـ Customer عشان تحدد انت محتاج توصل له ازاي ومش بس كدا ان يكون الطريقة فيها تفاعل، الموضوع كله قايم على طرفين Customer & Engagment بمعنى ان المطلوب من حضرتك ان يكون عندك كل التفاصيل اللي بتعرف وتحدد شكل الـ Customer دا واللي طبعاً بتبدأ من اول الـ Segment اللي بتحددها وبتحدد شكل الطريقة اللي الناس دي بتفهم بيها وبتتعامل معاها واللي بناء عليها بتقدم لهم محتوى شكله حلو لطيف في الصورة اللي يتقبلوه بيها سواء كانت مرئية او مسموعة او مقروئة او كل الحاجات دي مع بعض في خلاط واحد.

نيجي لنقطة الـ Growth وهو انك بتحاول تزود عدد الناس دي بطرق جديدة تناسبهم وتناسب طبيعة الـ Brand & Business Industry اللي انت شغال عليها وكل دا بيرجع لفين!!!! بيرجع للـ Strategy الخاصة بالشركة وبالـ Business Goals واللي هو شايفين نفسكم فين كمان كام سنة في السوق ومع العملاء؟

استخدام الـ Marketing هنا مش بيكون منحصر على Digital Marketing بس او Social Media او SEO او Advertising الموضوع بيكون رايح في حتت تانيه انك تستخدم حاجة زي الـ Omni-Channel Strategy “دي حاجه كتبت هنا من كام يوم ممكن ترجعوا لها على الاكونت هنا” او اي طريقة تانية من طرق الـ Promotion ممكن تتناسب مع طبيعة اللي بتقدموه.

هتلاحظوا حضراتكم ان هنا كل كلامنا خاص بحتة الـ Marketing وكل الكلام اللطيف اللي فوق دا عادي جداً ومفيش فيه مشكلة وعادي ان اي حد يعمل اي Growth وفي مقاييس كتير نقدر نحدد بيها الـ North Star بتاعتنا اللي هنقيس عليها الـ Growth Rate بتاعتنا في فترة معينة واللي من خلاله بنحدد احنا بنتحرك صح ولا لاء ؛ ودا اللي بيرجع في النهاية زي ما قلنا فوق لحسب الـ Strategy الخاصة بالشركة اللي لو مش معروفة ولا معلومة لكل الاطراف يبقي الكل هيكون بيخبط ومحدش هيكون فاهم مين فين بيعمل ايه.

الراجل الطيب Danny Sullivan لتويتة بيقول فيها: Doing SEO, SEM or Social Media Marketing isn’t “Growth Hacking.” It’s just marketing. والكلام هنا واضح وصريح ومحدش هيختلف عليه التركاية هنا فين في موضوع الـ Hacking هو انك تعمل حاجه على غير العادي؛ انك تعمل حاجه بغير الشكل المتعارف عليه، واسمها كدا عشان هي بتكون بالشكل دا واللي بيعمل الحته دي حد بيكون عنده تجارب في حاجات كتير داخل الـ Business وبيقدر من خلال التجارب الكتير والحاجات اللي عملها انه يعمل Mix ما بين الحاجات وبعض ويستخدم الـ Platforms اللي عنده بشكل على غير العادي وبيحقق Growth Rate كمان على غير العادي.

المشكلة فين؟

المشكلة ان في ناس النهاردة بتقول انها محتاجه حد بتاع Growth Hacking وهما اصلاً لسه مختبروش ولا جربوا “البتاع اللي عملناه وسميناه Startup” دا اشتغل ولا لسه وهل هينفع اصلاً نجري بيه في السوق ولا لسه؟

اجابة السؤال دا بترجع للـ Product وهنا بنروح عند حد زي Product Growth واللي شغله بيكون داخل في كل التفاصيل كبيرة وصغيرة بما فيها الـ Technical. طيب … سؤال مهم هل الـ Marketing Team هنا مالهمش علاقة بموضوع الـ Technical؟؟؟ الاجابة “ليهم علاقة” لان الناس دي لازم تكون فاهمة تفاصيل الحاجات اللي هيشتغلوا عليها بس طبعاً مش بتكلم هنا على الـ Code بتكلم على الـ Security او الـ Technology اللي شغالين بيها واي تفاصيل ممكن يكون محتاج يوضحها للـ Customer فيما بعد في اي مرحلة من مراحل الـ Marketing Funnel بتاعته.

اللي عايزين نقوله من الكلام دا كله ان لازم يكون في تفرقه ما بين الـ Product Growth والـ Growth Marketing ودا مش معناه ان مالهمش دعوة ببعض، كل واحد له علاقة بالتاني ومش معنى ان حد بيعمل شوية شغل بيستخدم فيهم حاجات كتير او Platform يقنع نفسه والاخرين انه بيعمل Hacking اللي بيحدد اذا حضرتك بتعمل Hacking ولا لاء النتائج اللي هتوصل لها او بتوصل لها وهل هي اصلاً بتـ match الـ Goals بتاعت شركتك ولا لاء وهل تم الاتفاق اننا هنقيس من الحته دي مستوى الـ Growth Rate بتاعنا ولا انت اديت الـ Task لنفسك وصرفت لنفسك مكافأة عليها.

بواسطة
Adam Hafez
الوسوم
اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى