تكنولوجيا

What’s up tech نشرة الأسبوع لأخبار التكنولوجيا – نوفمبر

What’s up tech نشرة الأسبوع لأخبار التكنولوجيا – نوفمبر

– فيس بوك بيختبر تشفير المكالمات الصوتية ومحادثات الفيديو على الماسنجر من خلال خاصية الـ Secret Conversation، الخاصية دي موجودة من زمان لكنها بتشفر فقط المحادثات النصية، دلوقتي فيس بوك هيشفر كمان محادثات الصوت والفيديو واللي هتكون بين الطرفين فقط وغير موجودة في قواعد بيانات فيس بوك “ده ع حسب كلام فيس بوك طبعا

مصدر: http://bit.ly/2JF9hey

– لو انت من مستخدمي مواقع الهوست Web.com او Register.com الحق غير بيانات الحساب بتاعك وتواصل مع خدمة العملاء مباشرة، في عملية اختراق كبيرة استهدفت موقع Web.com والمالك برضو لـ Register.com، وادت لتسريب بيانات ملايين العملاء، والقائمين على الموقع حذروا المستخدمين بتغيير بيانات الحساب والتواصل معاهم علشان لو في أي ضرر لحق بدومين او هوست او حساب اي مستخدم.

مصدر: http://bit.ly/324cA5w

– جاك دورسي مؤسس تويتر أعلن منع الاعلانات السياسية تماما على تويتر، يعني اي حساب عنده محتوى ليه علاقة بالسياسة سواء كان خبر او تصريح او مقال او ايا كان هيتم رفضه تماما، قال دورسي ان ده بسبب ايمانه ان المعتقدات السياسية لازم تكون عن قناعة حقيقية ولا يجب ان يتم توجيهها من خلال الاعلانات، ايه رأيكوا في الكلام ده؟

مصدر: http://bit.ly/327KZQC

– هواوي دلوقتي بتسيطر على 42% من مبيعات الهواتف الذكية في الصين وده رقم ضخم جدا بزيادة سنوية تقدر ب 66% تقريبا، على الرغم من الازمات الأخيرة اللي تعرضت ليها هواوي من امريكا وبعض الدول، لكن واضح ان ده أدى لتأثير معاكس داخل الصين، والصينيين قرروا يدعموا هواوي بشكل كامل ضد أمريكا، باعت هواوي في الربع الأخير 41.5 مليون هاتف في الصين مقارنة بـ 25 مليون هاتف في نفس الفترة السنة اللي فاتت.

مصدر: http://bit.ly/34ixsaw

– في احتجاجت كبيرة من موظفي فيس بوك احتجاجا على سياسات فيس بوك الاعلانية في الفترة الأخيرة، أكتر من ٢٥٠ موظف وقعوا على وثيقة اعتراض وارسلوها لمارك زوكيربيرج، الموظفين معترضين على آليات قبول الاعلانات وشروطها وخاصة الاعلانات السياسية (نفس اللي تويتر أعلن انه هيمنعها تماماً)، الموظفين بيقولوا ان أكثر الاعلانات مضللة تماما للمستخدمين وبتنتهك الخصوصية وبرضو بيتم قبولها.

مصدر: https://nyti.ms/2q9cpsc

– في نفس السياق بقى، فيس بوك أعلن رسميا عن قسم الاخبار الجديد على الموقع، هيكون عبارة عن تاب موجود في الابلكيشن فوق جنب البروفايل والفيديو وهكذا هيكون فيه كل الاخبار من مصادر الاخبار الموثوقة واللي لازم تسجل الأول وتاخد تأكيد من فيس بوك علشان يتعرض اخبارها جوه القسم ده، الميزة تم اطلاقها اولا في الولايات المتحدة ومنها لبقية العالم قريب على مايتم اخذ تأكيد للمصادر الموثوقة في كل دولة.

مصدر: http://bit.ly/2NumOGR

– في خطوة غريبة جدا من انستجرام، مبقتش تقدر تشوف اي محتوى من انستجرام سواء على الويب او الموبايل الا لما تسجل دخول الاول، يعني قبل كده كان ممكن تدخل من الويب تشوف المحتوى العام الصور والفيديوهات بس مش هتقدر تتفاعل الا لما تسجل دخول، دلوقتي مش هتقدر تشوف اي حاجة نهائيا ولا تتصفح انستجرام الا لما تسجل دخول الاول بالحساب الشخصي، وده هيضايق ناس كتير اوي اللي معندهاش حساب على انستجرام وحد باعتلهم لينك مثلا او حاجة داخل انستجرام، ايه رأيك في الخطوة دي وهل فارقة معاك؟

مصدر: http://bit.ly/34jLgkZ

الوسوم
اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى